Kvika banki hf.: Kvika gefur út skuldabréf sænskum og norskum krónum
14/11/2023 17:00
For best results when printing this announcement, please click on link below: http://newsfile.refinitiv.com/getnewsfile/v1/story?guid=urn:newsml:reuters.com:20231114:nGNE15btRP&default-theme=true Kvika lauk í dag sölu á skuldabréfum að fjárhæð 500 milljónum sænskra króna og 250 milljónum norskra króna. Skuldabréf í sænskum krónum eru græn skuldbréf til þriggja ára og bera fljótandi vexti sem nema 400 punkta álagi á þriggja mánaða Stibor. Skuldabréfin eru fyrsta græna útgáfa íslensks banka í sænskum krónum. Skuldabréf í norskum krónum eru viðbótarútgáfa í flokki sem gefinn var út í maí síðastliðnum, heildarstærð flokksins verður nú 800 milljónir norskra króna. Skuldabréfið er á gjalddaga í maí 2026 og var viðbótarútgáfan seld á verði sem jafngildir 380 punktum ofan á þriggja mánaða Nibor. Skuldabréfin eru gefin út undir Euro Medium Term Note (EMTN) útgáfuramma bankans og stefnt er að töku skuldabréfanna til viðskipta á Euronext Dublin þann 23. nóvember 2023. Samhliða sölu á ofangreindum skuldabréfum bauðst Kvika til að kaupa til baka skuldabréf útgefin af bankanum í sænskum krónum með gjalddaga 31. janúar 2024. Umsjónaraðilar viðskiptanna voru Nordea og Swedbank. Fyrir frekari upplýsingar vinsamlegast hafið samband við fjárfestatengsl Kviku banka á netfanginu fjarfestatengsl@kvika.is eða í síma 540 3200